सलाम

जेंव्हा मी पहिले होते पहिल्यांदा तिला
सलाम मी केला होता विधात्याच्या निर्मितीला

पुढे ती आली अचानक माझ्या आयुष्यात
चित्रगुप्ताला हि ठाऊक नव्हते असे घडेल भविष्यात

तिच्या सोबतीचे काही दिवस भुरकन उडाले
कापराच्या वडी सारखे चटका लावून गेले

आता तिचा प्रवास युवती ते महिला झाला आहे
एका युवकाला प्रौढत्वाकडे घेवून गेला आहे

आजही त्या दिवसांच्या आठवणी तशाच आहेत
हुरहुरीतील शैशव मनोमन जपले आहे

आता पुन्हा जर ती आषाढ घन होवून आली तर ????
मी पुन्हा भिजेन कदाचित ... पण होणार नाही चिंब
आठवणीच्या कुपीतील दरवळेल मृदगंधाचा थेंब